Almaty oblysy Eŋbekşıqazaq audanynyŋ äkımdıgı marqūm Şerzat Polattyŋ äkesı Qarjaubai Nūrymovqa tūrǧyn üi saluǧa kömek beretının mälımdedı, dep habarlaidy «Adyrna» tılşısı.
Äkımdıktıŋ mälımetınşe, qūrylysqa qajet rūqsat qūjattar daiyn.
«Jergılıktı atqaruşy organdar tarapynan tüsındırme jūmystarynan keiın, ötınış iesı rūqsat qūjattaryn räsımdeu üşın barlyq qajettı qūjattardy tapsyrdy. Qazırgı uaqytta barlyq qūjattar tolyq daiyndaldy», – dedı audan äkımdıgınıŋ baspasöz qyzmetı.
Äkımdık ökılderınıŋ aituynşa, qūrylys jūmystary jaqyn arada bastalady dep josparlanyp otyr.
«Audan bilıgı qūrylys üderısın baqylauda ūstap, öz qūzyretı şegınde qajettı qoldau körsetedı», – delıngen habarlamada.
Eske salaiyq, byltyr 12 qazanǧa qaraǧan tünı marqūmnyŋ otbasynyŋ üiı örtenıp ketken edı.