Ūlttyq banktıŋ antifrod ortalyǧy öz nätijesın berıp jatyr. Aita ketu kerek, būl ortalyq ötken jyly bankter, qūqyq qorǧau organdary men bailanys operatorlarynyŋ basyn bırıktırıp qūrylǧan bolatyn.
Ortalyq osy uaqyt ışınde 2,5 mlrd teŋgeden astam soma kölemındegı zalaldyŋ aldyn alyp, 60 myŋnan astam insident tırkedı. Eŋ jiı kezdesetın jaǧdailar – telefon arqyly alaiaqtyq jasau (22%), jalǧan investisiialyq ūsynystar jäne «dropperlık» kartalar arqyly jasalatyn operasiialar (19%).
«Ūlttyq Banktıŋ Antifrod-ortalyǧy jasandy intellekt tehnologiialaryn qoldanu arqyly alaiaqtyq shemalardy boljau mümkındıgın damytudy jalǧastyrady jäne Bas prokuratura men bailanys operatorlarynyŋ derekter bazalarymen integrasiialanady», - dedı Ūlttyq Bank töraǧasynyŋ keŋesşısı – sifrlyq transformasiia jönındegı jetekşı Binūr Jalenov.
Bas bank pen elımızdıŋ Qarjy naryǧyn retteu jäne damytu agenttıgı jäne qūqyq qorǧau organdarymen bırlesıp, bır jyl ışınde derekter almasu platformasy qūryldy. Būl jüiege bankter, tölem jäne mikroqarjy ūiymdary, ūialy bailanys operatorlary, uäkılettı qūqyq qorǧau jäne özge de memlekettık organdar qosyldy.
Sonymen qatar, alaiaqtyqpen küreske arnalǧan ortalyqtandyrylǧan jüienı qamtamasyz etetın zaŋnamalyq baza äzırlendı. Bügıngı taŋda Antifrod-ortalyqqa 200-den astam ūiym qosylǧan.
«Antifrod-ortalyǧy – belsendı damyp jatqan ekojüie. Bız ortalyqty damytudy ärı qarai jalǧastyruǧa, sonyŋ ışınde zaŋnamany jetıldıruge de qoldau körsetuge daiynbyz», – dep atap öttı Ūlttyq Banktıŋ Tölem jüielerı departamentınıŋ direktory Erlan Aşyqbekov.