اقتاۋ قالاسى ماڭىندا اۋە اپاتىنان مارقۇم بولعانداردى ەسكە الۋعا ارنالعان مەموريال ورناتىلدى، دەپ حابارلايدى “ادىرنا” ۇلتتىق پورتالى.
مەموريال – ۇشاق سىنىقتارى تابىلعان جەرگە قويىلعان مەتالل قورشاۋدان تۇرادى. اينالاسىنا گۇلدەر وتىرعىزىلىپ، كەلۋشىلەر ءۇشىن ورىندىقتار ورناتىلعان. بۇل كەڭىستىك – قايعى مەن ەستەلىكتىڭ ەرەكشە اتموسفەراسىن قالىپتاستىرۋعا باعىتتالعان.
“بۇل ورىن بۇكىل ەلدى ەسەڭگىرەتكەن قايعىلى وقيعانىڭ سيمۆولىنا اينالدى. ادامدار ءومىردىڭ قانشالىقتى نازىك ەكەنىن ەسكە سالاتىن بەلگى رەتىندە ونى ساقتاپ قالعىسى كەلدى”، – دەلىنگەن حابارلامادا.
تۇپقاراعان اۋدانى اكىمدىگىنىڭ مالىمەتىنشە، مەموريالدى ورناتۋ باستاماسى جەرگىلىكتى تۇرعىنداردان شىققان.
“قايعىلى وقيعا قۇرباندارىن ماڭگى ەستە قالدىرۋدى حالىق ءوزى قالاپ، بارلىق جۇمىستار مەن ماتەريالداردى ءوز قاراجاتتارىمەن قامتاماسىز ەتتى. مەملەكەتتىك بيۋدجەتتەن قارجى بولىنگەن جوق”، – دەپ مالىمدەدى اكىمدىكتىڭ ءباسپاسوز قىزمەتى.
ەسكە سالا كەتەيىك، 2024 جىلعى 25 جەلتوقساندا باكۋدەن گروزنىيعا بەت العان Embraer 190 جولاۋشىلار ۇشاعى اقتاۋ ماڭىندا اپاتقا ۇشىراپ، بىرنەشە ادام قازا تاپقان ەدى.
