Қазақстанның тұңғыш президенті Нұрсұлтан Назарбаевтың немере інісі Қайрат Сатыбалды Алматыдан Нұр-Сұлтанға жеткізіледі деп күтілуде, деп хабарлайды "Адырна" ұлттық порталы.
"Астанаға Алматыдан UPCS301 борттық нөмірі бар жеке jet Cessna 525 ұшып келеді. Борт 6 орынды. Осы ұшақ арқылы елордаға Қайрат Сатыбалды жеткізіледі деп болжануда", - делінген КазТАГ жариялаған хабарламада.Естеріңізге сала кетейік, бұған дейін лауазымдық өкілеттіктерін асыра пайдаланып, «Қазақтелеком» АҚ-ның қаражатын аса ірі көлемде ұрлау фактілері бойынша Қайрат Сатыбалдының ұсталып, уақытша ұстау изоляторына қамалғанын хабарлаған болатынбыз.
"Адырна" ұлттық порталы
