Алматы полициясы 83 жастағы Амантай қажыға қатысты қылмыстық іс қозғады. Бұған дейін әлеуметтік желіде Амантай қажы Асылбековтің әйелді баспалдақтан итеріп жіберген видеосы тарады, деп хабарлайды “Адырна”.
Оқиға бойынша Алмалы ауданы полиция басқармасы қылмыстық кодекстің 107-бабы (денсаулыққа қасақана ауырлығы орташа зиян келтiру) бойынша қылмыстық іс жүргізіп жатыр.
Дене жарақаттарының ауырлық дәрежесін анықтау мақсатында сот-медициналық сараптама тағайындалды.
Қылмыстық іс бойынша тергеу шаралары жүргізілгеннен кейін процессуалдық шешім қабылданады.
Айта кетейік, күдіктінің кінәсі дәлелденсе, оған 1000 АЕК-ке дейін айыппұл салады не 2 жылға дейінгі мерзімге бас бостандығынан айырылады.
