Израиль қорғаныс күштері Иран Ислам Республикасындағы радио және телеарна орталық кеңсесіне әуе соққысын жасағанын жариялады, деп хабарлайды "Адырна" ұлттық порталы.
Бұл туралы 3 наурызда хабарланды.
Израиль әскерінің мәлімдеуінше, ЦАХАЛ Тегеран қаласындағы мемлекеттік хабар тарату мекемесін нысанаға алған. IRIB ұйымы Иран режимінің пропаганда мақсатында қызмет ететіні және жылдар бойы Израиль мемлекетін жоюға және ядролық қаруды қолдануға шақырғаны айтылған.
«Бұл ұйым иран халқын басып-жаншу мен қоғамға жалған ақпарат таратуға үлес қосқан. ЦАХАЛ Тегеранда Иранның террорлық режимінің инфрақұрылымына соққыларын жалғастыра береді», – делінген мәлімдемеде.
