АҚШ әскерилері президент Дональд Трампқа Ираннан шамамен 450 килограмм жоғары байытылған уранды шығару жоспарын ұсынды. Бұл туралы The Washington Post газеті екі дереккөзге сілтеме жасап жазды, деп хабарлайды "Адырна".
Жоспарға Иранға жерүсті техникасын әуе арқылы жеткізу және радиоактивті материалдарды тасымалдау үшін жүк ұшақтарына арналған ұшып-қону жолағын салу кіреді. Бұл алдын ала жоғары тәуекелді операция ретінде бағалануда.
Миссия барысында жүздеген немесе мыңдаған әскери қызметкерлер мен ауыр техника әуе арқылы тасымалдануы мүмкін. Операцияның мақсаты – Ирандағы радиоактивті материалдарды қауіпсіз шығару.
Жоспардың ұсынылуы АҚШ пен Иран арасындағы ядролық мәселелерді шешу бағытындағы күрделі дипломатиялық және әскери қадамдардың бірі болып отыр.
