VietJet Qazaqstan әуе компаниясы Астана – Омбы бағыты бойынша рейстерді уақытша тоқтатты, деп хабарлайды "Адырна" ұлттық порталы.
Мұндай шектеу Ресей аумағындағы ұшқышсыз ұшу аппараттарының белсенділігінен кейін енгізілген.
Әуе компаниясының мәліметінше, шектеу 2026 жылдың 9–20 шілде аралығында күшінде болады. Сондай-ақ бұл бағытқа тамыз айының соңына дейін билет сатылымы тоқтатылды.
Рейсі тоқтатылған жолаушыларға билет құнын толық қайтару немесе балама бағыт ұсынылады. Олар Астанадан Петропавлға ұшып, кейін Омбыға дейін автобуспен жеткізіледі.
