Марокко тарихында алғаш рет үкімет басшылығына әйел адам тағайындалды, деп хабарлайды “Адырна”.
29 қыркүйекте король Мұхаммед VI 50 жастағы Фатима Захра Эль-Мансуриді Үкімет басшысы етіп тағайындап, жаңа үкіметті жасақтауды тапсырды.
Фатима Захра Эль-Мансури — заңгер, бұрынғы министр әрі Марракеш қаласының мэрі. Ол 2009 жылы осы қалаға алғаш рет әйел мэр болып сайланған. 2021 жылдан бастап Ұлттық аумақтық жоспарлау, қала құрылысы және тұрғын үй саясаты министрі қызметін атқарды.
Эль-Мансури жетекшілік ететін Аутенттілік және қазіргі заман партиясы 23 қыркүйекте өткен парламент сайлауында 395 орынның 97-сін иеленіп, ең көп мандат алған саяси күш болды. Алайда үкіметті өз бетінше жасақтауға бұл жеткіліксіз, сондықтан жаңа Үкімет басшысы коалиция құруы керек.
Жаңа үкіметтің күн тәртібінде халықтың тұрмыс деңгейін арттыру, жұмыспен қамту мәселелері және 2030 жылғы футболдан әлем чемпионатына дайындық бар. Марокко турнирді Испания және Португалиямен бірге өткізеді.
