Шымкентте құбыр төсеу жұмыстары кезінде екі жұмысшы қаза тапты. Ақпаратты қалалық полиция департаментінің баспасөз қызметі растады, деп хабарлайды «Адырна» тілшісі.
«Құбыр төсеу жұмыстарын жүргізу кезінде жұмысшылардың қаза табу дерегі бойынша сотқа дейінгі тергеу басталды. Алдын ала мәліметтерге сәйкес, олар құдықтағы қалдық газдан уланған. Оқиғаның барлық мән-жайы, сондай-ақ қауіпсіздік талаптарының сақталуына жауапты тұлғалар анықталып жатыр», – делінген хабарламада.
ҚР Қылмыстық-процестік кодексінің 201-бабына сәйкес, іс бойынша өзге ақпарат жария етілмейді.
