Облыстық төтенше жағдайлар департаментінің баспасөз қызметі хабарлағандай, 2023 жылғы 25 қарашада жергілікті уақыт бойынша сағат 18:00-де құтқарушылар кәріз құдығынан 2015 жылы туған баланың денесін тапты, деп хабарлайды «Адырна» ұлттық порталы.
«Қызылорда облысы Төтенше жағдайлар департаментінің 18 қызметкері мен 5 бірлік техника, Апаттар медицинасы орталығы филиалының 3 қызметкері және 1 бірлік техника, ішкі істер бөлімінің 8 қызметкері мен 3 бірлік техника, жедел жәрдем бригадасы, «Қызылорда қ. су жүйесі», ал жергілікті атқарушы орган қызметкерлері оқиға орнына барды», - деп хабарлады департаменттің баспасөз қызметі.Еске сала кетейік, 25 қараша күні сағат 13:24-те Қызылордада 8 жасар бала абайсызда орталық кәріз құдығына құлап кеткен болатын. Іздестіру-құтқару жұмыстары жүргізілді.
«Адырна» ұлттық порталы
