Астананың екі тұрғыны есірткі құралдарын таратқаны үшін 8 және 18 жылға дейін бас бостандығынан айырылды, деп хабарлайды «Адырна» тілшісі.
Қызметтік іздестіру иті кедендік бақылау аймағындағы уақытша сақтау қоймасынан салмағы 1 кг болатын «гашиш» есірткі затын тапты.
«Қазпошта» арқылы сол алушылардың атына тағы бір сәлемдеме жеткізілген. Сәлемдемеде жалпы салмағы 7 грамнан асатын күшті психотропты зат табылған.
«Айыпталушылардың бірінің пәтерін тінту кезінде есірткі құралдары, сондай-ақ орауыш материалдар мен таразы табылды. Сот шешімімен істің екі қатысушысы кінәлі деп танылып, орташа қауіпсіздік колониясында жазасын өтей отырып, 8 және 18 жыл мерзімге бас бостандығынан айырылды»,—делінген хабарламада.
Айта кетейік, жыл басынан бері есірткі контрабандасы және заңсыз айналымы фактілері бойынша 116 қылмыстық іс тіркеліп, 57,3 кг есірткі тәркіленді.
