"Хатты жария етуге рұқсат бермеді". Айтбек Амангелді Талғардағы тергеуге қатысты кей ақпараттың жалған екенін айтты
"Хатты жария етуге рұқсат бермеді". Айтбек Амангелді Талғардағы тергеуге қатысты кей ақпараттың жалған екенін айтты
12.12.2024
3748
Марқұм Салтанат Нүкенованың ағасы Айтбек Амангелді Қаржаубай Нұрымовтың ісіне қатысты полиция берген кейбір ақпаратты жоққа шығарды, деп хабарлайды "Адырна" ұлттық порталы.
Айтбек Амангелді 10 желтоқсанда Нұрымовты «туыстары мен адвокаттарының өтініші бойынша» ұстағандары шындыққа жанаспайтынын айтты.
Сонымен қатар желіде тараған Қаржаубай Нұрымов пен марқұм інісі Нұрқанат Ғайыпбаевтың соңғы рет бір-біріне жазған хатын жариялауға отбасы тарапынан рұқсат берілмегенін де атап өтті.
«Қаржаубайдың отбасы және адвокаттары оның Нұрқанатпен жазысқан хатын пабликтер мен ақпарат көздерінде жария қылуға келісті деген мәлімет шындыққа жанаспайды. Отбасынан, адвокаттарынан ешкім екеуара жазысқан хатты жария етуге рұқсат бермеді», - деді ол.
