Атырауда үстіне ыстық сорпа төгіп алған 9 жасар бала көз жұмды, деп хабарлайды «Адырна» тілшісі ATPress.kz-ке сілтеме жасап.
Облыстық балалар ауруханасы өкілдерінің мәліметінше, бала 9 маусымда ауруханаға түсіп, жансақтау бөліміне жатқызылған. Ал 14 маусымда бала қайтыс болды.
"Бала денесінің 50-55% күйіп қалған. Оның жағдайы өте ауыр болды. Біз барлық уақытта астанадағы мамандармен байланыста болып, қажетті емін жасадық. Өкінішке қарай, баланы құтқару мүмкін болмады", - дейді травматология бөлімінің меңгерушісі Сергей Хван.
