Berik Ábdiǵalıuly: "Jeke basqa tabynýshylyq toqtap, jańa dástúr qalyptasady"

14050
Adyrna.kz Telegram

"Konstıtýııadan Nazarbaevtyń tarıhı róli jónindegi bap alynyp tastaldy. Endigári Tuńǵysh Prezıdenttiń de, ekinshi Prezıdenttiń de, odan keıingi Prezıdentterdiń de esimi Konstıtýııada jazylmaıdy. "Prezıdent mártebesi týraly" Zań qabyldanbaıdy. Osylaısha, jeke basqa tabynýshylyqty, maqtanýshylyqty boldyrmaý qolǵa alynyp, jańa dástúr qalyptasady". Bul pikirdi QR Parlamenti Májilisiniń depýtaty Berik Ábdiǵalıuly Adyrna.kz ulttyq portalynyń tilshisine bergen suhbatynda aıtty. 

Berik Ábdiǵalıulynyń aıtýynsha, Memleket basshysyna bul sheshimdi qabyldaý ońaıǵa soqpady.

"Óıtkeni, ótkendegi jumys toby Memleket basshysyna “Tuńǵysh Prezıdenttiń tarıhı rólin kórsetip, Konstıtýııada “táýelsiz Qazaqstannyń negizin qalaýshy” dep bekiteıik degen usynys bildirgennen keıin atalmysh sheshim qabyldanǵan bolatyn. Alaıda bul qoǵamda qyzý talqyǵa túsip, kóp synı pikir aıtyldy. Túrli kelispeýshilikter oryn aldy. "Nazarbaevtyń eńbegin jazatyn bolsaq Konstıtýııaǵa emes, kitaptarǵa jazaıyq, oqýlyqtarǵa jazaıyq, kıno túsireıik. Biraq, onyń esimi Konstıtýııada bolmaýy kerek” degen pikir kóp bolǵasyn Memleket basshysy ózi úshin osyndaı qıyn sheshimge kelip otyr", - deıdi saıasatker.

Saıasatkerdiń saraptaýynsha, Toqaev kópshiliktiń aıtqanymen kelisip, shyn máninde "Konstıtýııa aldynda bári teń bolsyn" dep keleshek urpaq úshin mańyzdy qadam jasady.

"Endigári Tuńǵysh Prezıdenttiń de, ekinshi Prezıdenttiń de, odan keıingi Prezıdentterdiń de esimi Konstıtýııada jazylmaıdy. "Prezıdent mártebesi týraly" Zań qabyldanbaıdy. Bolashaqta da, qazirgi kúnniń ózinde de bári Konstıtýııa aldynda teń bolýy kerek. Osyndaı mańyzdy sheshimge kelse kerek. Toqaev buǵan deıin de "Prezıdent týysqandaryn laýazymdy qyzmetke tartýdy doǵarý kerek, endi ondaı qatelikter eshqashan qaıtalanbasyn, keıingi prezıdentterge sabaq bolsyn" degen saıası jáne moraldik sheshim qabyldaǵan bolatyn", - dep atap ótti Májilis depýtaty. 

Berik Ábdiǵalıulynyń aıtýynsha, Toqaev osylaısha senim men adaldyqqa negizdelgen  dástúr, saıası mádenıet qalyptastyrmaqshy.

"El ishinde eń bastysy tazalyq bolýy kerek, bári teń bolýy kerek, taza bolýy kerek" degen saıası mádenıet qalyptastyrýǵa baǵyttalǵan qadam ǵoı. Demokratııa jáne saıası moraldyq kózqaras turǵysynan alyp qarasaq, bul Konstıtýııada Nazarbaevtyń elge jasaǵan eńbegin syzyp tastaý degendi bildirmeıdi. Árıne, Táýelsizdik alǵan jyldary, ásirese alǵashqy onjyldyqta shekaralar anyqtaýda ol kisiniń eńbegi sińdi. Biraq ol tek kitaptarda, oqýlyqtarda jazylýy kerek", - deıdi Berik Ábdiǵalıuly. 

Májilis depýtatynyń málimdeýinshe, bul eshkimdi kemsitý de, joqqa shyǵarý emes.

"Árıne Memleket basshysyna renjıtinder tabylady. Biraq myna nárseni durys túsinýimiz kerek. Ol kisi eshkimdi kemsitip jatqan joq. Birinshi Prezıdentti jamandap jatqan joq. Barlyq jaýapkershilikti óz moınyna alyp, batyl da parasatty sheshim qabyldady dep esepteımin. Erteń buny halyq qoldasa, eger Konstıtýııa bekitilse, onda bul jaqsy saıası úrdis bolady. Bolashaqta Prezıdenttiń esimi Konstıtýııaǵa jazylmaıdy, onyń erekshe mártebesi Zańda kórsetilmeıdi. Jeke basqa tabynýshylyqty, maqtanýshylyqty boldyrmaý qolǵa alynyp, jańa dástúr qalyptasady. Osyndaı bir mańyzdy saıası qadam jasap jatyrmyz", - dep tolyqtyrdy sózin Berik Ábdiǵalıuly. 

Zarına ÁShIRBEK,

"Adyrna" ulttyq portaly

Pikirler