Memleket basshysy Senat tóraǵasy Máýlen Áshimbaevty qabyldady

2176
Adyrna.kz Telegram
Foto: akorda.kz
Foto: akorda.kz

Memleket basshysy Senat tóraǵasy Máýlen Áshimbaevty qabyldady, dep habarlaıdy "Adyrna" ulttyq portaly "akorda.kz"-ke silteme jasap.

Qasym-Jomart Toqaevqa Palata depýtattarynyń Konstıtýııaǵa ózgerister men tolyqtyrýlar engizý jónindegi referendýmdy talqylaý úshin óńirlerge jasaǵan sapary týraly baıandaldy. Qazirgi ýaqytta 150-den astam is-shara ótken, onyń kóbi negizinen shaǵyn qalalarda, kentter men shalǵaı aýyldarda uıymdastyryldy.

Senatorlar saparynyń nátıjesinde azamattardy alańdatqan meılinshe ózekti máselelerge taldaý jasaldy. Atap aıtqanda, taýarlar baǵasynyń ósýi, avtomobıl joldarynyń jaǵdaıy, jumyspen qamtý máselesi, aýyzsýmen jáne gazben qamtamasyz etilýi, medıınalyq kómektiń qoljetimdiligi jáne basqa da problemalar.

Prezıdent Úkimetpen jáne jergilikti atqarýshy organdarmen birlesip, atalǵan máselelerdi sheshý jumystaryn jalǵastyrý qajet ekenin atap ótti.

Máýlen Áshimbaev Qasym-Jomart Toqaevqa aımaqtaǵy memleketterdiń zań shyǵarýshy organdarymen aradaǵy yntymaqtastyqty nyǵaıtý jóninde málimet berdi. Ótken aptada senatorlar Ashhabadta ótken «Ortalyq Azııa – Reseı» atty parlamentaralyq forýmǵa qatysty.

Yqpaldastyqtyń jańa formaty Aral teńizi óńirindegi ekologııalyq ahýal, transshekaralyq ózenderdi birlesip paıdalaný, shekara mańyndaǵy óńirlerdiń yntymaqtastyǵy, sondaı-aq Aýǵanstandaǵy jaǵdaıǵa baılanysty aımaqtyq qaýipsizdik máselesi sııaqty ózekti problemalardy sheshý jónindegi depýtattardyń birlesken jumysyn jandandyrýǵa yqpal etedi.

 

"Adyrna" ulttyq portaly

Pikirler