Oralda jazasyn óteýshilerdiń jappaı tóbelesinen keıin kolonııanyń 12 qyzmetkeri jazalandy, dep habarlaıdy "Adyrna" ulttyq portaly "mgorod.kz"-ke silteme jasap.
Oqıǵa 10 mamyrda tańǵy saǵat 05:00 shamasynda RÝ-170/2 ortasha qaýipsiz qylmystyq-túzetý júıesi mekemesinde bolǵan. Sottalǵandar arasynda jappaı tóbeles shyqqan, saldarynan 10 adam túrli dárejede jaraqat alǵan.
BQO QAJD baspasóz qyzmeti ókili tóbeles kezinde sottalǵandar qolda bar quraldardy paıdalanǵanyn, pyshaqtar men qaıraý tappaǵanyn aıtty.
Osy derek boıynsha qyzmettik tergeý taǵaıyndalyp, qorytyndysy boıynsha mekemeniń 12 qyzmetkeri tártiptik jaýapkershilikke tartylǵan.
"1 adam qyzmetinen shettetildi, 3 adam qyzmetin durys atqarmaǵany úshin eskertý aldy, 4 qyzmetkerge qatań sógis jarııalandy, 3 adam sógis aldy jáne 1 adam eskertý aldy", - dedi BQO boıynsha QAJD baspasóz qyzmeti ókili.
Aıta keteıik, polıeıler tóbeleske qatysýshylarǵa qatysty QR QK-niń 107-baby "Densaýlyqqa qasaqana aýyrlyǵy ortasha zııan keltirý" boıynsha sotaldy tergeý júrgizip jatyr. Olar urlyq, tonaý jáne densaýlyqqa zııan keltirý sııaqty qylmystar úshin jazasyn ótep jatyr.
"Adyrna" ulttyq portaly.
