Halyqaralyq valıýta qorynyń (HVQ) sarapshylary Ýkraınadaǵy oqıǵalar men Reseıge qarsy sankııalarǵa baılanysty Qazaqstandaǵy ekonomıkalyq ósim týraly boljam jasady, dep habarlaıdy "Adyrna" ulttyq portaly "Tengrinews.kz"-ke silteme jasap.
HVQ Taıaý Shyǵys jáne Ortalyq Azııa elderi departamentiniń dırektory Djıhad Azýrdyń pikirinshe, Reseıge qarsy halyqaralyq sankııalar Kavkaz ben Ortalyq Azııa elderiniń ekonomıkasyna da aýyr soqqy bolady.
"Ortalyq Azııa elderi geografııalyq jaqyndyǵyn, Reseımen tyǵyz saýda jáne qarjylyq baılanystaryn, aqsha aýdarymdary men týrızmge táýeldiligin, sondaı-aq, aıyrbas baǵamyna baılanysty áserlerdi eskere otyryp, áleýeti osal elder qataryna kiredi. Sonymen qatar, aımaq elderi Ýkraınamen saýda baılanystaryn júrgizedi jáne shıkizat pen azyq-túlik baǵasynyń ósýine, sondaı-aq, qarjylyq jaǵdaıdyń kúsheıýine qatysty jahandyq qaıtalama áserge ushyraıdy. Ýkraınadaǵy soǵystyń jan-jaqty áseri bıyl Taıaý Shyǵys pen Ortalyq Azııa elderiniń ekonomıkalyq ósimin edáýir álsiretti", - dedi ol.
Jaqynda qor jarııalaǵan ekonomıka damýy perspektıvasy boljamyna sáıkes, naqty JIÓ ósimi 2022 jyly 2,6 paıyzǵa tómendeıdi. Sonymen qatar, sarapshylar óńirde ınflıaııa bıyl 10,7 paıyzǵa deıin artady dep boljap otyr.
"Alaıda bul shok saldary óńirlerde ártúrli baıqalady jáne energııa resýrstarynyń eksporttaýshylar, mysaly Ázerbaıjan men Qazaqstan munaı men gaz baǵasynyń ósýinen paıda kórip, soǵystyń keıbir negatıv saldarynyń ornyn jabady. Osy elderden Reseıge nemese onyń aýmaǵy arqyly energııa resýrstaryn eksporttaýǵa qaýip tónýi múmkin. Sonymen qatar, Armenııa, Grýzııa jáne Qyrǵyzstan sııaqty energııa resýrstaryn ımporttaýshy elder ekonomıkasynyń ósý boljamy shıkizat taýarlaryna baǵanyń ósý áserin eskere otyryp aıtarlyqtaı tómendedi", - deıdi Azýr.
Odan bólek, maman barlyq óńirde azyq-túlik qaýipsizdigine qatysty alańdaýshylyq azyq-túliktiń álemdik baǵasynyń ósýine baılanysty ósip jatqanyn jáne Reseıden jetkizilimder aımaqtaǵy azyq-túlik ımportynyń 20 paıyzdan asatynyn, al keıbir elder Reseıden de, Ýkraınadan da bıdaı jetkizip, táýeldi bolyp otyrǵanyn atap ótti.
Ekonomıstiń sózinshe, pandemııamen baılanysty daǵdarys, makroekonomıkalyq saıasattyń múmkindikterin shekteı otyryp, ınflıaııa men qaryz deńgeıiniń joǵarylaýyna ákeldi.
"Adyrna" ulttyq portaly.
