Sh.Esenov atyndaǵy ýnıversıtettiń uıymdastyrýymen ótken respýblıkalyq «Yessenov Fest - 2022» stýdenttik festıvali aıasynda óner kórsetken Ifýnanııa Marızıtta Anashollı Dımash Qudaıbergenniń «Daıdıdaý» ánin shyrqady, dep habarlaıdy "Adyrna" ulttyq portaly.
Mańǵystaý oblystyq Qoǵamdyq kommýnıkaııa ortalyǵynyń málimetinshe, Marızıtta Anashollı «Jastar shyǵarmashylyǵy» baıqaýynda vokal janry boıynsha qatysyp, baǵyn synady. Onyń aıtýynsha, ándi «Stýdenttik vokal» úıirmesiniń jetekshisi Makına Gúlnára Imanbaıqyzymen birlesip tańdaǵan. Qazylar alqasy afrıkalyq qyzdyń ónerine tánti bolyp, alǵys hat tapsyrdy.
Marızıtta Anashollı Sh.Esenov atyndaǵy Kaspıı ınjınırıng jáne tehnologııalar ýnıversıtetinde «Kompıýter ınjınırıng jáne aqparat tehnologııasy» mamandyǵynyń 1-kýrsynda grantta oqıdy. Ol Qazaqstan týraly ǵalamtordan bilip, qyzyǵýshylyq tanytqan.
-Meniń otbasymda bir ul, eki qyz jáne ata-anam bar. Ákem kásipker, anamnyń óz meıramhanasy bar, ápkem stılıst, al aǵam kompıýter tehnıgi. Alǵashqy kezde olar Qazaqstanǵa ketýime qarsy boldy. Biraq qazir oılaryn ózgertti, Qazaqstanǵa qydyryp kelýdi josparlaıdy. Biz beınebaılanys arqyly udaıy sóılesip turamyz. Ýnıversıtette ótken festıvalda óner kórsettim jáne ol maǵan qatty unady-deıdi nıgerııalyq boıjetken.
Marızıtta óner kórsetken «Jastar shyǵarmashylyǵy» baıqaýy «Aspapta oınaý», «Dástúrli án», «Estradalyq vokal», «Horeografııa» nomınaııalary boıynsha ótti.
Festıvaldiń negizgi maqsaty - jastardyń rýhanı mádenıeti men shyǵarmashylyǵyn damytý, shyǵarmashyl jastar arasynda tájirıbe almasý múmkindigin qalyptastyrý, daryndy oryndaýshylar men jas talanttardy aıqyndaý jáne qoldaý. Festıvalǵa óńirge belgili tulǵalar tóreshi boldy jáne elordadan qonaqtar shaqyryldy. Solardyń biri QR Parlamenti Májilisiniń depýtaty Aıjan Sqaqova sharaǵa qatysyp, jastarǵa senim men úkili úmit tilep, ystyq yqylasyn bildirgen.
«Jastar shyǵarmashylyǵy» baıqaýynda júldeli oryn alǵan jeńimpazdarǵa kelsek, «Aspapta oınaý» nomınaııasy boıynsha bas júldeni Mańǵystaý óner kolledjiniń «Naýaı» folklorlyq ansambli alsa, I oryndy Mańǵystaý óner kolledjiniń stýdentý Qýanǵalı Lashyn ıemdendi. II oryndy Yessenov University-nen «Jas óren» dombyrashylar ansambli alsa, III oryndy Yessenov University-nen Danılova Karına ıemdendi. Al Mańǵystaý óner kolledji stýdenti Aqnur Amanǵalıqyzy men Mańǵystaý óner kolledji stýdenti Uldanaı Shońaı laýreat atandy.
«Dástúrli án» nomınaııasy boıynsha bas júldeni Inder balalar óner mektebiniń túlegi Jambylova Qaraqat ıelense, I oryndy F.Ońǵarsynova atyndaǵy Mádenıet úıiniń ónerpazy Danatar Merýert aldy. II oryndy Qyzyltóbe aýylynyń orta mektebiniń oqýshysy Dúısenbaeva Jadyra aldy. III oryndy Yessenov University-nen Suńǵat Qonaqbaevqa buıyrdy.
«Estradalyq vokal» nomınaııasy boıynsha bas júldeni Yessenov University-nen Aıatova Alına alsa, I oryndy Yessenov University-nen Berikbaeva Raýlana ıemdendi. II orynǵa Yessenov University-nen Jetkizgen Qýanyshbek jaıǵassa, III oryndy Aqshuqyr mektep lıeıiniń Kenjeǵalı Qurman jeńip aldy. Al Aqtaýdaǵy «Oqýshy ortalyǵynyń» «Nur Band» ansambli laýreat atandy.«Horeografııa» nomınaııasy boıynsha bas júldeni Mańǵystaý óner kolledjiniń stýdentteri «Aısha qyz» bı ansambli aldy. I oryndy Yessenov University stýdenti Tólegenova Gúldana ıelendi. Al II oryndy Mańǵystaý óner kolledjinen Mazıeva Aqbota jeńip aldy. III orynǵa Yessenov University-niń «Aqkerbez» bı ansambli men Mańǵystaý óner kolledji «BIS» bı ansambli jaıǵasty.
"Adyrna" ulttyq portaly.
