Tarazda sheneýlik memleketke tıesili nysandardy týystaryna aýdarǵan

2437
Adyrna.kz Telegram
Foto: ashyq derekkóz
Foto: ashyq derekkóz

Tarazda memlekettik qyzmetker óziniń týystaryna memleketke tıesili jalpy quny 300 mıllıon teńgeni quraıtyn bes nysandy zańsyz aýdarǵan. Mundaı alaıaqtyqty "Kommýnaldyq menshik obektilerin jalǵa berý ortalyǵynyń" burynǵy dırektory jasaǵan, dep habarlaıdy "Adyrna" ulttyq portaly "Habar 24" arnasyna silteme jasap. 

Óziniń qyzmettik mansabyn paıdalanyp, kásipker sheneýnik tórt ǵımarat pen bir jer ýchaskesin óteýsiz berý týraly zańsyz buıryqtar shyǵardy. Keıinnen memlekettik qyzmetker múlikti óz atyna tirkep, bes nysannyń ekeýin satyp, al qalǵandaryn ınternet arqyly satýǵa qoıǵan.

Oblystyq mamandandyrylǵan aýdanaralyq ekonomıkalyq sot mámilelerdi jaramsyz dep taýyp, ǵımarattar men jer ýchaskesi memleketke qaıtaryldy.

Burynǵy memlekettik qyzmetker toǵyz jylǵa sottaldy jáne memlekettik organdarda basshylyq laýazymdardy atqarý quqyǵynan aıyrdy.

"Taraz qalasynyń № 2 sotynyń úkimimen Baqtybaev 189-bap, 4-bólim, 2-tarmaq boıynsha kináli dep tanylyp, toǵyz jylǵa bas bostandyǵynan aıyryldy. Sot úkimi qazirgi ýaqytta zańdy kúshine engen joq", – dedi Jambyl oblysy prokýrorynyń aǵa kómekshisi Serjan Ábdiqulov.

 

 

 "Adyrna" ulttyq portaly

Pikirler