Qyzylorda oblysy ákiminiń orynbasary Baljan Shámenova qyzmetinen ketti, dep habarlaıdy "Adyrna" ulttyq portaly "Tengrinews.kz"-ke silteme jasap.
Ol Qyzylorda qalasynyń ákimi Asylbek Shámenovtyń týysy bolyp shyqty. Sheneýnik jumystan ketý týraly sheshimin Óńirlik kommýnıkaııalar qyzmetinde ótken brıfıngte málimdedi. Onyń aıtýynsha, bir otbasynan shyqqan eki adamnyń joǵary laýazymdy qyzmette jumys isteýi saıası turǵydan durys emes.
"Sondyqtan men óz erkimmen jumystan ketýge sheshim qabyldadym. Jas kadrlarǵa jol bereıik. Olar el ıgiligi úshin jumys isteýi kerek", - dedi ol.
Oblys ákimi Nurlybek Nálibaev óziniń burynǵy orynbasary Baljan Shámenovany qurmetpen shyǵaryp saldy. Kezdesý barysynda óńir basshysy Shámenovanyń oblystyń damýyna qosqan zor úlesin atap ótip, oblys ákimdiginiń Qurmet gramotasyn tabys etti.
Baljan Shámenova endi Eńbek jáne halyqty áleýmettik qorǵaý mınıstrliginde jaýapty qyzmette jumys isteıtin bolady.
"Adyrna" ulttyq portaly
