«Qyzylorda Tazalyǵy» JShS mekemesiniń qyzmetkerleri qalalyq qoǵamdyq kólikpen tegin júredi. Bul týraly oblys ákimi Nurlybek Nálibaev málimdedi, dep habarlaıdy «Adyrna» tilshisi.
Basshynyń turǵyndardy jeke máseleleri boıynsha qabyldaýyna kelgen "Qyzylorda tazalyǵy" KMM-niń jumysshysy Gúlaıym Qarǵabaeva 18 jyldan beri osy qyzmetti atqara júrip, qoǵamdyq kólikte jıi qatynaıtynyn jáne bul qaltaǵa ájepteýir salmaq salatynyn aıtyp, aımaq basshysynan kómek surady.
Oblys ákimi "Qyzylorda tazalyǵy" mekemesiniń jumysshylarynyń eńbegi asa jaýapty ári qıyn ekenin alǵa tartyp, qala ákimi Asylbek Shámenovke 1 maýsymnan bastap qoǵamdyq kólikte tazalyqshylar úshin tegin júrý bıletin engizý qajettigin tapsyrdy.
- Kúnniń ystyq, sýyǵyna qaramastan adal eńbek etip, qalanyń tazalyǵyn saqtap júrgen «Qyzylorda Tazalyǵy» JShS jumysshylaryna qurmetimiz erekshe bolýy tıis. Tańnyń atysy men keshtiń batysyna deıin kóshe aralap júretin azamattarǵa barynsha qoldaý kórsetilýi qajet. Sol sebepti, 1 maýsymnan bastap bul mekemeniń barlyq qyzmetkerleriniń qoǵamdyq kólikte tegin júrýin uıymdastyrý kerek, - dedi ol.
«Adyrna» ulttyq portaly
