Búginnen bastap qazaqstandyqtar qalaaralyq jáne halyqaralyq saparǵa elektrondy avtobýs bıletin satyp alý múmkindigine ıe bolady. Halyk Bank-Halyk Travel ekojúıesi sheńberinde Halyk Homebank qosymshasynda reıstik avtobýstarǵa onlaın-bıletti satyp alýǵa múmkindik beretin "avtobýstar" jańa servısi iske qosyldy.
Bizdiń azamattarymyzdyń kópshiligi Qazaqstan boıynsha avtobýspen saparǵa shyǵýdy tańdaıdy, óıtkeni bul basqa qalaǵa barýdyń tıimdi nusqasy. Sondaı-aq, avtobýs, qoǵamdyq kóliktiń basqa túrinen aıyrmashylyǵy, áldeqaıdajıi qatynaıdy, sondyqtan ár jolaýshy jol júrýdiń yńǵaıly ýaqytyn tańdaı alady. Halyk Travel-degi jańa "avtobýstar" servısi bıletti brondaý jáne satyp alý kezinde ýaqytty únemdeýge múmkindik beredi. Atap óteıik ataýly qyzmet arqyly alatyn bılet quny avtovokzal kassalaryndaǵy baǵamen birdeı – jasyryn ústeme baǵa, komıssııa jáne qosymsha alymdar joq. Bul Halyk Bank pen ındýstrııa jáne ınfraqurylymdyq damý mınıstrliginiń (IIDM) yntymaqtastyǵy arqasynda qoljetimdi boldy.
Jolaýshylarǵa yńǵaıly bolýdan bólek, Halyk Travel-degi "avtobýstar" qyzmetin engizý bastamasy áleýmettik quramdas bólikti qamtıdy. Sebebi bıletter josyqsyz satýshylardan satyp alǵan kezde nemese turaqty avtobýstardyń júrgizýshileri jolaýshylardy "kassadan tys jerde" otyrǵyzǵan kezdegi "jasyryn" saparlardyń sanyn azaıtýǵa kómektesedi. Halyk Homebank qosymshasy arqyly bıletti onlaın satyp ala otyryp, adam kepildi jáne yńǵaıly orynǵa ǵana emes, sonymen qatar tasymaldaý zańdylyǵyna da senimdi bola alady. Másele mynada, Halyk Travel "avtobýstar" servısiniń tasymaldaýshy - qatysýshylary ıfrlyq satý arnalary arqyly ashyq jáne aıqyn jumys isteýge daıyn. Osylaısha, Halyk Homebank qosymshasy arqyly bıletti onlaın satyp alǵan jolaýshylarǵa senimdi saparǵa kepildik beriledi. Sonymen qatar, servıs ázirleýshiler aldaǵy ýaqytta jolaýshylarǵa ózderin jáne júkti jazataıym oqıǵadan saqtandyrý múmkindigin usynýdy josparlaýda.
"Halyk Travel komandasy 2020 jyly qurylǵannan beri qalaaralyq avtobýstarǵa bılet satý boıynsha onlaın jobany iske qosý ıdeıasyn talqylady. Ol ıntermodaldyq tasymaldaýdy iske qosý ıdeıasyna negizdelgen, ıaǵnı bir marshrýttyq túbirtekte kóliktiń birneshe túrin: ushaq+poıyz+avtobýsty kórsetý múmkindigi. El turǵyndary kóliktiń barlyq túrlerin paıdalanady, osy ýaqytqa deıin poıyz ben ushaqqa onlaın-bıletti satyp alý múmkin bolǵanymen avtobýsqa elektrondy bıletti satyp alý qyzmeti qoljetimsiz edi. Dál osy baǵytta jumys istegen komandalarmen sóılese kele negizgi qıyndyq - bul salada áýe jáne temirjol tasymalynan aıyrmashylyǵy, biryńǵaı brondaý júıesi joq ekenin anyqtadyq. Biz ıdeıamyzben IIDM-ge júgindik, olar bizge jedel alań uıymdastyryp, tehnıkalyq jaǵynan barynsha daıyn birinshi vokzaldy usyndy. Bul máseleni sheshý úshin bizge eki aıǵa jýyq ýaqyt qajet boldy, endi biz avtobýstarda biryńǵaı taratý júıesin tehnıkalyq iske asyrýdy aıaqtap qaldyq. Qazirgi ýaqytta IIDM-men yntymaqtastyqta biz osy joba boıynsha jumysty jalǵastyrýdamyz" - dedi Halyk Bank Basqarma Tóraǵasynyń orynbasary Narıman Mýkýshev.
Qazirgi ýaqytta onlaın-bıletti satyp alý servısi kelesi baǵyttar úshin jumys isteıdi: Nur-Sultannan Derjavınsk, Konstantınovka, Naýmovka, Stepnogorsk, Qyzylorda, Taraz, Qaraǵandy, Almaty, Shymkent, Óskemen, tipti Ólgeı (Mońǵolııa) jáne Tashkentke (Ózbekstan) bılet alýǵa bolady.
Halyk Travel-diń Bus ázirleýshileriniń aldaǵy josparynda elimizdiń barlyq óńirlerin qamtý jáne qazaqstandyqtarǵa Halyk Homebank arqyly ózderine yńǵaıly reısti, kúndi jáne ýaqytty tańdap, búkil respýblıka boıynsha júrý múmkindigin qamtamasyz etý kózdelgen. Jyl basynda osy mobıldi qosymshany paıdalanýshylar sany 8 mln adamǵa deıin óskenin eskere otyryp, kóptegen adam Halyk Bank-tiń taǵy bir yńǵaıly ıfrly servısin baǵalaıdy dep boljaýǵa bolady.
