Nur-Sultandaǵy «Táýelsizdikke 30 jyl» banneri eki adamnyń ústine qulap ketti

2059
Adyrna.kz Telegram

«Táýelsizdikke 30 jyl» banneri elordanyń eki turǵynynyń ústine qulady. Oqıǵa Beıbitshilik jáne kelisim saraıynyń mańynda bolǵanyn Qumash Telegram arnasy jazdy, dep habarlaıdy “Adyrna” ulttyq portaly

«Bizge oqıǵa kýágeri men jábirlenýshiniń týysy qondyrǵyny jel ushyryp ketkenin aıtty. Ol ornatylǵan jerden 10-15 metr jerge ushyp ketken. Sondaı-aq, onyń aıtýynsha, bul qondyrǵy eshqaıda bekitilmegen jáne tek óz salmaǵynda saqtalǵan» delingen habarlamada.

Sondaı-aq, 33 jastaǵy jábirlenýshiniń kóptegen synyqtary bar ekeni kórsetilgen. Túnde oǵan ota jasalyp, jansaqtaý bóliminen polıtravmatologııa bólimine aýystyryldy.

Nur-Sultan qalalyq densaýlyq saqtaý basqarmasynyń baspasóz qyzmeti Beıbitshilik jáne kelisim saraıynyń janyndaǵy ǵımarattyń qulaýy týraly málimetterdi habarlady.


Zardap shekken bir eresek adam men bir bala ártúrli jaraqattar alyp, deneleri kógergen. Olar tolyq saraptamadan ótý úshin kópsalaly qalalyq aýrýhanalarǵa jetkizildi. Jedel járdem deńgeıinde olarǵa aýrýhanalardyń arnaıy mamandary barlyq qajetti medıınalyq kómek kórsetti.

«Áıel túrli jaraqattar men kógerýlermen aýrýhanaǵa jatqyzyldy. Áıeldiń jaǵdaıy turaqty, naýqas tolyq aıyqqansha staıonarda bolyp, em alady. Taǵy bir jábirlenýshi jasóspirimdi mamandar tekserdi. Qaraý kezinde naýqastyń jaǵdaıy ortasha, asqynýsyz. Dárigerler ony tolyq tekserýden ótkizdi, sodan keıin naýqas ambýlatorlyq emdelýge jiberildi», - dep túsindirdi densaýlyq saqtaý basqarmasy.

“Adyrna” ulttyq portaly

Pikirler