QR Mádenıet jáne sport mınıstri Dáýren Abaev kók týdy sahnaǵa alyp shyǵyp, balaǵat sózder aıtqan "Irına Kaıratovna" tobynyń múshesi men kópshilik Shiza dep tanıtyn Ashat Jolshıevke qatysty pikir bildirdi, dep habarlaıdy "Adyrna" ulttyq portaly.
Mınıstr ınstagramdaǵy paraqshasynda bylaı dep jazdy:
"Meni Instagram-da belgilep, biraz habarlama jiberipsizder. Kópshilik talqylap jatqan konertti uıymdastyrýǵa Mádenıet jáne sport mınıstrliginiń qatysy bolmasa da, jaýap bere ketkenimiz durys.
Mádenıet jáne sport mınıstri ári Qazaqstan azamaty retinde men sahna tórinde keleńsiz jaǵdaıdyń oryn alýyna múldem qarsymyn.
Sahna – kıeli oryn. Sahna mádenıetin saqtamaǵandardy, beıádet sóılegenderdi, olardyń bárin bylaı qoıǵanda eldigimizdiń nyshany sanalatyn qasterli atrıbýttarymyzǵa qurmetsizdik tanytqandardy eshqandaı aqtap alýǵa kelmeıdi.
Jaǵdaıǵa qatysy bar azamattar óz qateligin eskerip, sabaq alady dep oılaımyn. Degenmen konert uıymdastyrýshylary mindetti túrde jaýapqa tartylýy kerek. Halyqtyń ashýy oryndy. Kók Týymyzdan eshqaısymyz bıik emespiz", — dep jazdy ol.
Aıta ketý kerek, qazir jelide bul jaǵymsyz jaıtqa baılanysty halyq narazylyq bildirip jatyr.
"Adyrna" ulttyq portaly.
