Shymkentte turatyn nıgerııalyq qańtar oqıǵasy kezinde ózin "terrorıst" dep aıyptaǵanyn aıtty

5118
Adyrna.kz Telegram
Foto: otyrar.kz
Foto: otyrar.kz
Shymkentte turatyn nıgerııalyq Djeıkob Chııaolam Solomon qańtar oqıǵasy kezinde ózin terrorıst dep aıyptaǵandar bolǵanyn jáne "erkindik" úshin aqsha tóleýi keregin aıtqandar bolǵanyn jetkizdi, dep habarlaıdy "Adyrna" ulttyq portaly "Otyrar.kz" portalyna silteme jasap.

Er adam Nıgerııadan Qazaqstanǵa bir jyl buryn kelgen. Bastapqyda Almatyda aǵylshyn tilinen sabaq bergen. Nıgerııalyq ońtústik astanadan Shymkentke ony urlyq jasady dep aıyptaǵan alaıaqtardyń kesirinen kóship ketken.

"Almatyda aǵylshyn tilin biletin qyzben tanystym. Biz dostasyp, ol meni úıine shaqyrdy. Úıinde boksshy aǵasy boldy. Ýaqytty jaqsy ótkizdik, sosyn men úıime qaıtýdy oıladym. Biraq olar maǵan taksı shaqyryp, hostelime deıin birge barýdy sheshti. Jetkenimizde aǵasy telefonyn joǵaltqanyn aıtyp, meni aıyptaı bastady. Meni tolyq tekserip, eshteńe tappaǵandyqtan bólmemdi tekserýdi usyndym. Resepshndegi qyzmetkerler kelip, olar alaıaq bolýy múmkin ekenin, polıııa shaqyrtyp, meni urlyq jasady dep aıyptaýy múmkin, al polıııa meni túsinbeýi múmkin ekenin aıtty. Artynsha olar rasynda telefondy matrastyń astyna tyǵyp ketkeni anyqtaldy", - deıdi Djeıkob.

Keıinnen Shymkentte Djeıkob úıine bara jatqan jerinen ustalǵan. Saldarynan er adam aqshasyn jáne eırpodsyn alyp ketken.

"Qańtar oqıǵasy kezinde taksımen úıge kele jatqanmyn, bizdi maska taqqan adamdar toqtatty. Aldymen taksısti tekserip, sosyn meni de tekserdi. 25 myń teńge aqsham men eırpodsymdy alyp ketti. Artynsha meniń telefonym men vatsabymdy teksere bastady, al ol jerde men dostaryma mıtıng kezindegi vıdeolardy jibergenmin. Meni terrorıst dep aıyptaı bastady. Basqa kólikke otyrǵyzyp: "Qansha aqshań bar?" dep surady. Aqsham joǵyn aıttym. Olar kaspıdi ashtyryp, bireýdiń nómirine 50 myń teńge aýdaryp jiberdi. Eshteńe isteı almadym. Sosyn meni kólikten shyǵaryp, "kete ber" dedi", - dedi Djeıkob.

 

"Adyrna" ulttyq portaly.

Pikirler