Elordada 87 bala is-tússiz joǵalyp ketken

3362
Adyrna.kz Telegram

Elordada jyl basynan beri 87 bala is-tússiz joǵalyp ketken. Bul ótken jylmen salystyrǵanda eki esege kóp, dep habarlaıdy "Adyrna" ulttyq portaly.

"Astanatv." arnasynyń málimetinshe, bala joǵalý oqıǵasyna adamı faktor áser etýi múmkin. Mundaı boljamdy sarapshylar alǵa tartyp otyr. Al polıııa qyzmetkerleri úıde oryn alyp jatqan túıtkilder de jetkinshektiń ózge adamnyń jetegine tez erip ketýine áser etetinin aıtady.

Máselen, 16 jastaǵy Jamal Beketova 10 kúnnen beri izdestirilip jatyr. Aýlaǵa dop oınaımyn dep ketken jetkinshek úıine oralmaǵan. Ushty-kúıli joq. Kórdim, bildim degender de tabylar emes.

"Jamaldyń joǵalǵany týraly bizge 17 mamyr kúni málimet kelip tústi. Biz sol sátten bastap barlyq aqparattardy jınap, izdestirý jumysyn bastadyq. Balalar barýy múmkin degen jerdiń barlyǵyn qarap shyqtyq. Biraq, 10 kún ótti. Áli tabylmady. Qazir búkil Qazaqstan boıynsha bizdiń ár óńirdegi eriktiler jetkinshekti izdep jatyr", - dedi volonter Damır Sálimov.

Damırdiń aıtýynsha, eriktiler ortalyǵyna kúnine 2-3 balanyń joǵalǵany týraly málimet kelip túsedi. Ishki ister organdarynyń qyzmetkerleri de mundaı jaǵdaıdyń jıilep turǵanyn rastaıdy.Bıyl balalardyń joǵalý deregi ótken jylmen salystyrǵanda 2 ese ósken. Biraq, kóp jaǵdaıda olar tabylady deıdi.

"Ata-analar mysaly aýlada oınap júrgen kezde 5-6 jastaǵy balasyn tappaı qalǵan jaǵdaıda 102 nomerine habarlasady. Biraq artynsha ol balalar tabylyp jatady. Kelesi aýlaǵa oınap ketýi múmkin. Ol balalar keıin birden tabylady", - deıdi Nur-Sultan qalasy Esil aýdany Polıııa basqarmasynyń Iývenaldyq polıııa aǵa ınspektory Ulbosyn Musabekova.

Quqyq qorǵaý qyzmetkerleriniń málimetine súıensek, byltyr jáne bıyl joǵalǵan 144 balanyń barlyǵy otbasyna aman-esen oralǵan.

 

 "Adyrna" ulttyq portaly.

Pikirler