2022 jyldyŋ 9 qyrküiegınde Maŋǧystau oblysynda Özen ken ornyn oŋaltu mäselelerıne arnalǧan jiyn öttı. Şaraǧa «QazMūnaiGaz» ŪK AQ Basqarma töraǧasy Maǧzūm Myrzaǧaliev, «Özenmūnaigaz» AQ bas direktory Maqsat İbaǧarov, «QMG İnjiniring» JŞS bas direktory Baqytjan Hasanov, mūnai-gaz salasynyŋ ardagerlerı, geologtar, qoǧam qairatkerlerı jäne Jaŋaözen qalasynyŋ deputattary qatysty.
Eske sala keteiık, QR Prezidentı Qasym-Jomart Toqaev 2021 jyldyŋ qyrküiegınde ötken Maŋǧystau oblysynyŋ äleumettık-ekonomikalyq damuy jönındegı keŋeste «QazMūnaiGaz» ūlttyq kompaniiasyna mūnai ken oryndarynyŋ bırte-bırte tozuyna, 2030 jylǧa qarai öndırıletın mūnaidyŋ azaiuyna bailanysty öŋırde geologiialyq-barlau jūmystarynyŋ jeke josparyn äzırleudı tapsyrdy. Osyǧan bailanysty Memleket basşysynyŋ tapsyrmasyna säikes Özen jäne Qaramandybas ken oryndaryn oŋaltu josparynyŋ tūjyrymdamasy äzırlendı.
Ken oryndardy oŋaltu şaralary mūnai öndıru deŋgeiın kezeŋ-kezeŋımen bırneşe jylda 6-6,5 mln tonnaǧa jetkızıp, osy körsetkıştı aldaǧy 10 jyl boiy saqtap tūruǧa mümkındık beredı dep kütıledı.
«Äzırlenıp jatqan jospar Jaŋaözen qalasynyŋ äleumettık-ekonomikalyq tūraqtylyǧyn qamtamasyz etuge de eleulı üles qosady dep esepteimın», - dedı M.Myrzaǧaliev. «Bügıngı künı «Özenmūnaigaz» mūnai öndıru körsetkışterın tolyq oryndai almai otyr. Tehnikalyq jäne geologiialyq mäselelerge bailanysty mūnai öndıru kölemın bırqalypty deŋgeide ūstap tūru qiynǧa soǧuda».
QMG basşysynyŋ aituynşa, jyl saiynǧy kürdelı salymdardyŋ deŋgeiıne qaramastan, ÖMG ken oryndarynda mūnai öndıru kölemı azaiyp barady. Būnyŋ saldarynan kompaniianyŋ kırısı de tömendep, qazırgı qyzmetkerler sanyn saqtap qaluǧa jäne olarǧa eŋbekaqy töleu boiynşa äleumettık mındettemelerdı oryndau da qiyn bolady. M.Myrzaǧaliev «Özenmūnaigaz» AQ mūnai öndıru rentabeldılıgınıŋ şegıne 2024 jyly keletının atap aitty.
Aqtau qalasyna jūmys sapary barysynda M.Myrzaǧaliev Maŋǧystau oblysynyŋ käsıpodaq basşylarymen kezdestı. Kezdesude eŋbek ūjymdaryn köp tolǧandyratyn mäseleler, sonyŋ ışınde eŋbekaqy jäne elektr energiiasynyŋ kenışterde jiı öşırıluı talqylandy. QMG Basqarma töraǧasy Jaŋaözen qalasyn damytuǧa baǧyttalǧan QMG jobalaryna bölek toqtaldy: «Astrahan-Maŋǧyşlaq» magistraldy su qūbyryn rekonstruksiialau jäne keŋeitu, Kendırlıde su tūşytu zauytyn jäne Jaŋaözende jaŋa gaz öŋdeu zauytyn salu.
Jaŋaözen qalasyna äleumettık qoldau körsetu aiasynda kompaniia ekı sport keşenınıŋ qūrylysyn aiaqtap qaldy, Oquşylar saraiy jobasy boiynşa jūmystar bastaldy jäne qalada 16 sport alaŋyn salu turaly şeşım qabyldandy. Būdan bölek, ūlttyq kompaniia «Jarqyn bolaşaq» baǧdarlamasy boiynşa elımızdıŋ üzdık kolledjder men mektep-internattaryna oquǧa qabyldanǧan Jaŋaözennıŋ daryndy balalaryna oqu men tūru aqysyn töleidı.
