AIATJAN AHMETJANULY: Oqýshylardyń oqyp, damýyna jaǵdaı jasalýda

3954
Adyrna.kz Telegram

Prezıdenttiń bul jolǵy Joldaýynda burynǵy aıtylyp júrgen máseleler tolyqtyrǵandaı boldy.  Eń birinshi, aýyl men qala mektepteriniń aıyrmashylyǵyn edáýir azaıtý. Áýeli mektep salý máselesi – Úkimet pen ákimdikterdiń basty mindeti. Endi jemqorlardyń zańsyz tapqan qarjysy olar sottalǵan soń memleketke ótip, túgeldeı mektep qurylysyna jumsalmaq. Osyndaı usynysty jasaǵan Prezıdent, Úkimettiń osy bastamany zań turǵysynan retteýin tapsyrdy. Bul – durys  sheshim.

Ekinshiden, apatty jaǵdaıdaǵy jáne úsh aýysymdy mektep máselesi tolyq sheshilmek. Buǵan dálel Prezıdent Qasym-Jomart Toqaevtyń sózi:  «Orta bilimniń sapasy – tabysty ult bolýdyń taǵy bir mańyzdy sharty. Árbir oqýshynyń bilim alyp, jan-jaqty damýy úshin qolaıly jaǵdaı jasalýǵa tıis. Sol úshin «Jaıly mektep» ulttyq jobasy qolǵa alyndy. Biz 2025 jylǵa deıin 800 myń balanyń zamanaýı mektepte oqýyna jaǵdaı jasaımyz. Osylaısha, apatty jaǵdaıdaǵy jáne úsh aýysymmen oqıtyn mektep máselesin tolyq sheshemiz».

Sonymen qatar osy jolǵy Joldaýda bilim berý júıesiniń ózekti baǵyttary aıqyndaldy. Memleket basshysy el damýynyń negizgi aspektilerin, bilim berý júıesiniń ózekti baǵyttaryn aıqyndap kórsetti. Prezıdent joǵary synyptarda jaratylystaný-matematıkalyq baǵyttaǵy pánder men aǵylshyn tilin oqytýdy kúsheıtý qeregine basa nazar aýdartty. Shynynda da, túlekter  UBT tapsyrý kezinde matematıka, fızıka, hımııa jáne bıologııa sııaqty jaratylystaný-matematıkalyq baǵyttaǵy pánderdi tańdaıdy. Sondyqtan atalǵan pánderdiń oqytý sapasyn jaqsarty úshin pedagogterdiń biliktiligin arttyryp, mekteptegin hımııa, bıologııa, fızıka kabınetterin qajetti materıaldyq-tehnıkalyq jabdyqtarmen qamtý kerek.

Oǵan qosa,  tilderdi oqytýdy kezeń-kezeńimen engizý qaǵıdasyna sáıkes 2024 jyldan bastap shet tilin oqytý 3-synyptan bastap júzege asyrylady. Sonyń arqasynda elimizdiń jáne álemniń jetekshi ýnıversıtetterine túsýge múmkindik bolady. Bul degenimiz, orta bilim berý sapasy – tabysty ulttyń qalyptasýynyń mańyzdy sharty. Sondyqtan elimizdegi oqýshylardyń jan-jaqty oqyp, damýyna qolaıly jaǵdaı jasalyp jatyr.

"Adyrna" ulttyq portaly

 

Pikirler