Memleket basşysy Qasym-Jomart Toqaev äskeri qyzmetşılerdı zapasqa şyǧaru jäne äskeri qyzmetke şaqyru turaly jarlyqqa qol qoidy. Būl turaly Aqordanyŋ baspasöz qyzmetı mälımdedı.
Qūjatqa säikes, 2024 jyldyŋ nauryz-mausymynda jäne qyrküiek-jeltoqsanynda äskeri qyzmettıŋ belgılengen merzımın ötkergen äskeri qyzmetşıler zapasqa şyǧarylady.
Olar:
Qazaqstan Respublikasynyŋ Qaruly küşterı; Qazaqstan Respublikasynyŋ ışkı ıster ministrlıgı; Qazaqstan Respublikasynyŋ tötenşe jaǧdailar ministrlıgı; Qazaqstan Respublikasynyŋ ūlttyq qauıpsızdık komitetı; Qazaqstan Respublikasynyŋ memlekettık küzet qyzmetı.Däl sol kezde Qazaqstannyŋ Qaruly Küşterı, Işkı ıster ministrlıgı, Tötenşe jaǧdailar ministrlıgı, Ūlttyq qauıpsızdık komitetı men memlekettık küzet qyzmetıne äskerge şaqyrudy keiınge qaldyruǧa nemese odan bosatyluǧa qūqyǧy joq er adamdar şaqyrylady. Merzımdı äskeri qyzmetke şaqyrylatyndardyŋ jasy - 18-27 aralyǧynda.