13 qańtar kúni Baıan-Ólgeı aımaǵynda jumys isteıtin Qazaq saıatshylyq odaǵy búrkitterdi qutqarý kúnin atap ótti, dep habarlaıdy "Adyrna" ulttyq portaly Moname agenttigine silteme jasap.
Bul kúni Urǵy kesheninde kórme ashylyp, kezdesý uıymdastyryldy. Oǵan osy eldegi Qazaq saıatshylyq odaǵynyń tóraǵasy B.Bekbolat, atqarýshy dırektory A.Atnaı, búrkitshiler A.Turǵynbek, Z.Luhpan qatysty.
Kezdesý barysynda búrkitterdi qorǵaý jáne kóbeıtý máseleleri, týrızmdi damytýdaǵy búrkitshilerdiń róli jáne olardyń áleýmettik máselelerin sheshý joldary talqylandy.
Kórmede búrkitpen ańshylyqqa arnalǵan túrli buıymdar, fotosýretter, kitaptar, 250 jyldan astam tarıhy bar eski búrkit astaýy qoıyldy. Ańshy Z.Luhpan ata-babasynan mura bolyp qalǵan astaýdy kórmege syıǵa tartty.
Baıan-Ólgeı aımaǵynda 170-ten astam búrkitshi bar.
Sońǵy jyldary Mońǵolııada «Búrkit merekesi» ótkizilip keledi.