Ekstremızm men terrorızmniń aldyn alý jaıy talqylandy

596

Astanada Din isteri jáne azamattyq qoǵam mınıstrligi Din isteri komıteti Mádenıetter men dinderdiń halyqaralyq ortalyǵynyń uıymdastyrýymen «Dinı ekstremızm men terrorızm kórinisteriniń aldyn alý jónindegi sharalar men mehanızmder» atty respýblıkalyq semınar-trenıng ótti.

Búgingi tańda dinı ekstremızm men terrorızm búkil álemniń saıası, áleýmettik, ekonomıkalyq jáne rýhanı jaǵdaıyna yqpal etip otyrǵany ras. Elimizdegi túzetý mekemelerinde de osyndaı qylmysqa qatysy bar 800-ge jýyq adam jazasyn óteýde. Olardyń barlyǵy – ıslam dinin jeleý etip, jat aǵymnyń jolyna túskender. Elbasy «Bolashaqqa baǵdar: rýhanı jańǵyrý» atty maqalasynda: «Búginde revolıýııalar óńin ózgertip, ulttyq, dinı, mádenı, separatıstik perde jamyldy.

Biraq, bári de, túptep kelgende, qantógispen, ekonomıkalyq kúıreýmen aıaqtalatynyn kórip otyrmyz. Sondyqtan, álemdegi oqıǵalardy oı eleginen ótkizip, qorytyndy jasaý – qoǵamnyń da, saıası partııalar men qozǵalystardyń da, bilim berý júıesiniń de aýqymdy dúnıetanymdyq, rýhanı jumysynyń bir bóligi» degen bolatyn. «Din salasyndaǵy memlekettik saıasattyń 2017-2020 jyldarǵa arnalǵan tujyrymdamasy» jáne «Qazaqstan Respýblıkasynda dinı ekstremızm men terrorızmge qarsy is-qımyl jónindegi 2018-2022 jyldarǵa» arnalǵan memlekettik baǵdarlamany júzege asyrý aıasynda ótken semınar-trenıngte dinı ekstremızm men terrorızmniń aldyn alýda úkimettik emes uıymdardyń róli zor ekeni basty nazarǵa alyndy.

Din isteri jáne azamattyq qoǵam mınıstrligi Din isteri komıtetiniń tóraǵasy Erkin Ońǵarbaev dindi destrýktıvti maqsatta paıdalanýdy maqsat etken kez-kelgen áreketi boldyrmaý úshin barlyq sharalardy qoldaný kerek ekenin aıta kelip, komıtet jumysy ekstremızm men terrorızmniń aldyn alý boıynsha keshendi sharalardy jetildirýge, sondaı-aq barlyq dinı qyzmet sýbektileriniń dinı qyzmet salasyndaǵy zańnamany saqtaýyn qamtamasyz etýge baǵyttalatynyn jetkizdi. Bas prokýratýra janyndaǵy Quqyq qorǵaý organdary akademııasynyń arnaıy quqyqtyq tártip kafedrasynyń meńgerýshisi Nazarbek Jempıisov terrorızmge qarsy áreket etýdiń jańa mehanızmderi týraly málimdeme jasady.

Al Din isteri jáne azamattyq qoǵam mınıstrligi Respýblıkalyq aqparattyq-túsindirý tobynyń sarapshy-psıhology Lola Shakımova radıkaldy kózqarastaǵy adamdar sanasyna utymdy áser etý proesinde kommýnıkatıvtik tehnologııalardy qoldanýǵa baǵyttalǵan trenıng ótkizdi. Ekstremızm men terrorızmniń aldyn alýdaǵy aqparattyq túsindirý jumysynyń mańyzdylyǵyna toqtalǵan «Din problemalaryn zertteý ortalyǵy» KMM dırektorynyń orynbasary Aıbek Atashev aımaqtardaǵy aǵartý jumysyn tipti de jandandyrý kerek ekendigine nazar aýdardy. Sondaı-aq Aıbek Atashev túzeý mekemelerinen shyqqandardy jumyspen qamtyp, olardy eńbekpen túbegeıli ońaltýdy qolǵa alý kerektigin aıtty.

2013 jyldan bastap elimizde dinı ekstremızm men terrorızm ıdeologııasyn taratýdyń sebepteri men jaǵdaılaryn joıý jáne ataýly aqparattyq túsindirý jumystaryn uıymdastyrý jóninde 202 komıssııa jumys isteıdi. Qazaqstanda dinı ekstremızm men terrorızmniń aldyn alý jumystary profılaktıka jáne maqsatty reabılıtaııalaý sııaqty negizgi eki baǵytta júrgizilip keledi.

Maıgúl SULTAN,

«Egemen Qazaqstan»

Pikirler
Redakııa tańdaýy