Toqtar Áýbákirov 70 jasta

3136
Adyrna.kz Telegram

Qazaqtan shyqqan tuńǵysh ǵaryshker, Keńes Odaǵynyń Batyry, Qazaqstan Respýblıkasynyń Halyq qaharmany, Qorqyt Ata atyndaǵy Qyzylorda memlekettik ýnıversıtetiniń qurmetti professory, tehnıka ǵylymynyń doktory, professor Toqtar Ońǵarbaıuly Áýbákirov 70 jasqa toldy.

Jaqynda ǵana áskerı-áýe kúshteriniń jas ofıerlerine sheberlik sabaǵyn ótkizip, tabysqa jetýdiń basty qupııasyn ashty. «Ózińe batyr bolýdy mindetteme. Ol eshqashan júzege aspaıdy. Ár kún saıyn óz-ózine mindet qoıyp, men batyr bolýǵa daıynmyn ba?», – degen saýal  qoıǵan abzal. Sizdiń tabysqa jetýińiz áskereı ǵylymdy qanshalyqty jaqsy oqyp úırengenińizge tikeleı baılanysty ekenin naqty túsingen jón. Tehnıka men aerodınamıkanyń qyr-syryn bilmeseń, daryndylyǵyń esh kómektespeıdi. Kún saıynǵy eńbek pen bilim qýý qumarlyǵy – sáttilikke aparar birden-bir jol»,– dedi ol.

Al, ǵarysh kemesine kóteriler sátte – « Halqym, sen úshin sýǵa da, otqa da túsýge daıynmyn!»,– degen edi. Ózi aıtqandaı sýǵa da, otqa tústi. Kóptegen jaýapty memlekettik qyzmette de, halyq saılaǵan depýtat ta boldy.

 Halyq qaharmanynyń mereıtoıy Astanada, Qaraǵandyda, týǵan jeri  Qarqaraly aýdanynda da toılanýda.


 Jasulan Naýryzáli

 

 

Pikirler