Búgingi kúnge Almaty oblysynda kóktemgi egis jumystarynyń shamamen 69,1 % aıaqtaldy. Bul týraly búgin oblystyq ákimdikte ótken selektorlyq jıynda belgili boldy, - dep habarlaıdy Almaty oblysy ákiminiń baspasóz qyzmeti.
Oblys ákiminiń orynbasary Serikjan Beskempirovtiń aıtýynsha, «Qoldaý» júıesi arqyly berilgen elektrondy ótinishteriniń negizinde 1086 aýyl sharýashylyǵy taýar óndirýshisi aýyl sharýashylyǵy salasyn qoldaý maqsatynda beriletin sýbsıdııadan 1 024,9 mln. teńge sýbsıdııa aldy. Sol sııaqty egis naýqanyn merziminde ári sapaly atqarý úshin «Agrarlyq nesıelik korporaııa» AQ-nyń «Keń Dala» baǵdarlamasy arqyly jyl basynan beri 78 zaım alýshyǵa 888,4 mln. teńge soma nesıe berilgen. Sonymen qatar 11 aýyl sharýashylyǵy taýar óndirýshileri «Qarapaıym zattar ekonomıkasy» baǵdarlamasy sheńberinde jalpy somasy 290 mln. teńge nesıe alýǵa ótinish qaldyrypty. Bólingen 19,0 myń tonna dızel otynynyń 5,3 myń tonnasy jetkizilgen, bul rette óńir sharýashylyqtary ár lıtrin 165 teńgeden 4,2 myń tonna dızel otynyn alyp úlgergen. Osynyń barlyǵy óz kezeginde kóktemgi egis jumystarynyń tıimdi atqarylýyna, agrarlyq salanyń alǵa basýyna yqpal etpek.
Amandyq Batalov jıynda egis naýqanynyń barysy, Aqsý, Kóksý qant zaýyttarynyń óńdeý maýsymyna daıyndyǵy, júgeri men kartop ónimdiligin arttyrýdyń múmkindikteri týraly surap-bilip, mindetter júktedi.
- Tótenshe jaǵdaı rejımine qaramastan kóktemgi dala jumystary bir kúnge de keshiktirilmeı merziminde bastalyp, bir saǵat ta tolastaǵan joq. Osyndaı qıyn kezeńde aýyl sharýashylyǵy salasy aldyńǵy shepke, alǵy pozıııaǵa shyǵyp otyr. Jumystardy osy qarqynda jalǵastyra berýimiz kerek. Aýyl sharýashylyǵy ónimderin óńdeý baǵytynda da solaı. Biz Aqsý, Kóksý qant zaýyttaryn, Jarkent krahmal-sirne zaýytyn qajetti shıkizattarmen qamtamasyz etýdi jolǵa qoıdyq. Endi kúni keshe Taldyqorǵanda ashylǵan «Jetisý-Majıko» zaýytyn da maıly daqyldarmen, sonyń ishinde rapstyń qajetti kólemimen júıeli túrde qamtamasyz etýimiz kerek. Biz jyl saıyn egistik alqaptarynyń kólemin ulǵaıtyp kelemiz. Máselen, egis alqaby bıyl byltyrǵyǵa qaraǵanda 4,9 myń gektarǵa ulǵaıtylyp, 966,5 myń gektarǵa jetkizildi. Degenmen egistikterdi ulǵaıtý múmkindigi sheksiz emes, sondyqtan aldaǵy ýaqytta biz ónim shyǵymyn arttyrý arqyly ósimdi qamtamasyz etýge basa mán berýimiz kerek, - dep atap ótken oblys ákimi Amandyq Batalov tıisti sala mamandaryna, ásirese, qant qyzylshasy, kartop, júgeri ónimdiligin ulǵatýǵa baǵyttalǵan sharalardy atqarý týraly naqty tapsyrmalar berdi.
«Adyrna» ulttyq portaly
