Dýlat Aǵadildiń qazasy jaıly qylmystyq iste advokat aýysty

3731
Adyrna.kz Telegram

Dýlat Aǵadildiń qazasynan soń qozǵalǵan qylmystyq iste onyń otbasynyń múddesin munan bylaı advokat Ǵalym Nurpeıisov qorǵaıdy. Ol tergeý barysyna baılanysty qupııany jarııalamaý jóninde mindetteme alǵandyqtan ázirge is barysy týraly aıtpaıtynyn, is aıaqtalǵan soń saraptamasyn jarııalaıtyn aıtty. Ol qylmystyq isti tergeý 25 mamyrdy aıaqtalýy múmkin dep boljaıdy.

Ǵalym Nurpeıisovtiń Azattyqqa aıtýynsha, zańda qylmystyq quqyq buzýshylyq jasady degen kúdik boıynsha ustalǵan adamdy kúzetpen ustaý - onyń ómiri men densaýlyǵyna qater tóndirmeı júzege asyrylýǵa tıis ekendigi anyq jazylǵan.

- Dýlat Aǵadildi úıinen tiri áketip, izinshe máıitin qaıtarǵany - quqyq qorǵaý organdarynyń qylmystyq atqarý proesine kem degende nemquraıly qaraǵanyn kórsetedi, - deıdi Ǵalym Nurpeıisov.

Advokat Qazaqstan prezıdenti Qasym-Jomart Toqaevtyń belsendiniń qazasyna jaıly pikirine de kózqarasyn bildirdi. Ol prezıdent tergeý aıaqtalmastan buryn belsendini "júrek talmasynan qaıtys boldy dep senimmen aıta alamyn" deý arqyly is baǵytyna silteme jasaǵandaı boldy" dep sanaıdy.

"Dýlat Aǵadil isi" boıynsha sotqa deıingi tergeý basynda onyń anasynyń múddesin advokat Aıman Omarova qorǵap, keıinnen bas tartqan. Aıman Omarova bas tartý sebebin "Dýlat Aǵadil otbasynyń ózge advokattary bar jáne otbasynyń ózi naqty aqparat taratpaı otyr" dep túsindirgen.

Alaıda Dýlat Aǵadildiń anasy Gúlbarash Jolmuhanbetova Aıman Omarvaǵa deıin advokattary bolmaǵanyn aıtady.

44 jastaǵy belsendi Dýlat Aǵadil bıyl, 2020 jyly 25 aqpanda Nur - Sultandaǵy tergeý ızolıatorynda qaıtys bolǵan. Ony 24 aqpanda túnde qarapaıym kıimdegi birneshe adam úıinen áketken. IIM onyń "júrek talmasynan" qaıtys bolǵanyn málimdegen. 27 aqpanda áleýmettik jelide Dýlat Aǵadil máıitiniń vıdeosy taraǵan. Vıdeony túsirgen adam onyń denesinde kógergen izder baryn aıtady. Keıinirek jergilikti prokýratýra "vıdeo ınternetke belsendiniń týystarynyń ruqsatynsyz jarııalandy, denedegi daqtar bıologııalyq ólim belgileri" dep málimdegen.

Dýlat Aǵadildiń qazasynan keıin Qazaqstannyń birneshe qalasynda ótken narazylyq akııalaryna qatysýshylar belsendiniń qazasyna bılik kináli dep esepteıtinin bildirgen.

28 aqpanda Qazaqstan prezıdenti Qasym-Jomart Toqaev belsendi Dýlat Aǵadil "júrek talmasynan qaıtys boldy" dep málimdegen. Resmı saraptama qorytyndysy shyqpaı turyp aıtylǵan bul tujyrymdy qoǵam ókilderi synaǵan.

Dýlat Aǵadildiń polıııa áketken soń jumbaq qazaǵa ushyraýyna baılanysty AQSh memlekettik departamentiniń ókili, Ulybrıtanııanyń Qazaqstandaǵy elshiligi men Eýropadaǵy qaýipsizdik pen yntymaqtastyq uıymy Nur-Sultandy tergeýdi ashyq ári ádil júrgizýge shaqyrǵan.

Qazaqstandyq quqyq qorǵaýshylar men belsendiler Dýlat Aǵadildiń qazasyn "saıası sıpaty bar" dep sanap, tergeýdi ádil júrgizýdi talap etip keledi.

"Azattyq" radıosy

Pikirler