Agroónerkásiptik keshenge 70 mıllıard teńgege jýyq qarajat bólindi

2442
Adyrna.kz Telegram

Egistik naýqanyna dep Agroónerkásiptik keshenge 70 mıllıard teńgege jýyq qarajat bóldi. Bul týraly Úkimet otyrysynda Aýyl sharýashylyǵy mınıstri málimdedi, dep habarlaıdy zakon.kz.

"AÓK sýbektilerin qoldaý jónindegi is-sharalardy júzege asyrý úshin respýblıkalyq bıýdjetten 70 mlrd teńge somasynda bıýdjettik nesıe bólindi. Qarjy tolyǵymen respýblıkamyzdyń 2,4 myń aýylsharýashylyq taýar óndirýshilerine berildi jáne kóktemgi dala jumystaryna baǵyttaldy", - dedi Saparhan Omarov.

Ol Memleket basshysynyń tapsyrmasymen "Qarapaıym zattar ekonomıkasy" baǵdarlamasy boıynsha kóktemgi dala jumystaryn júrgizýge 100 mıllıard teńge bólingenin eske saldy.

26 mamyrdaǵy jaǵdaı boıynsha 19,1 mlrd teńgege 331 ótinim qabyldandy.

"Sonymen qatar, Memleket basshysynyń tapsyrmasyn oryndaý maqsatynda aýylsharýashylyq ónimderin forvardtyq satyp alý tásilimen júzege asyrý jumystary bastaldy. 24,5 mlrd teńge kóleminde qarajat bólindi. Bıdaı, arpa, maıly daqyldar jáne qaraqumyq satyp alynady. Qazirgi ýaqytta 21,5 mıllıard teńgege ótinimder qabyldandy. Kepildikter ekinshi deńgeıdegi bankter úshin de, áleýmettik-kásipkerlik korporaııalar úshin de kepil retinde qabyldanady", - dep sózin tolyqtyrdy mınıstr.

Onyń aıtýynsha, kóktemgi dala jumystaryn ýaqtyly jáne sapaly oryndaý úshin josparlanǵan jumystardy ońtaıly aýylsharýashylyq jaǵdaıynda aıaqtaýdyń alǵysharttaryn qamtamasyz etetin barlyq qolda bar resýrstar men quraldar paıdalanylady.

Qarajat tolyqtaı aýylsharýashylyq taýar óndirýshilerine aýdaryldy.

Pikirler