Marǵulan Seısenbaı Qyrǵyzstanǵa qol ushyn sozýǵa ázir

3182
Adyrna.kz Telegram

Qazaqstannyń belgili bıznesmeni Marǵulan Seısenbaı Qyrǵyz eline reforma jasaýǵa kómek berýge daıyn ekenin málimdedi, dep habarlaıdy "Adyrna" tilshisi.

"Sooronbaı Jeenbekov kádimgideı syılastyq sezimimdi oıatty. Oryndy, ári márt áreket! Qyrǵyzdar eldegi tártip pen bılikti ustap qala aldy. Berik bolyńdar, baýyrlar, arandatýǵa jol bermeńder! Sizdiń elde aqyrynda turaqtylyq pen tártip ornaıdy dep senemin.
Sáttilik serik bolyp, isterińiz ońynan júrsin!

P.S. Al sheteldik kompanııalardyń menshigin qaıtarý kerek. Áıtpese, óz isin biletin bir de bir ınvestor sizdiń elge attap baspasy anyq. Tek aldamshylar men alaıaqtar ǵana bas suǵatyn bolady. Jeke menshikke degen qurmet - naryqtyq ekonomıkanyń jáne eldiń gúldenýiniń irgetasy.

P.P.S.Qyrǵyz baýyrlar, eger sizderge reforma júrgizý boıynsha qandaı da bir konsýltatıvtik kómek qajet bolsa, bizge - “Qarapaıym sheshimder men nátıjeler keńsesine” júginýlerińizge bolady. Biz sizdermen Ýkraınadaǵy óz tájirıbemizben bólisip, joldaryn túsindiremiz. Maǵan habarlasýlaryńyzǵa bolady," - dep jazdy ınstagram jazbasynda.

Aıta keteıik, Qyrǵyz prezıdenti Sooronbaı Jeenbekov ornynan ketip, el bıleý isi Úkimet basshysy Sadyr Japarovtyń qolyna  kóshti. Qazirgi kezde Qyrǵyzstanda qazaqstandyqtardyq baılardyń birneshe bıznes nysandary  jumys istep tur.

Pikirler