Azyq-túlik baǵasy qymbattasa kimder jazalanady?

2693
Adyrna.kz Telegram

Túrkistan oblysynda ótken jıynda «Áleýmettik mańyzy bar azyq-túlik taýarlarynyń baǵasyn turaqtandyrý jáne negizsiz ósirmeý» máselesi qaraldy, dep habarlaıdy oblystyq ákimdiktiń baspasóz qyzmeti.

Almaty, NEGE. Onda oblys ákimdigi men iri taýar óndirýshilermen: «Iassy qus», «Asan-ata», «Bereke» JShS-men memorandýmǵa qol qoıdy. Oǵan sáıkes taýar óndirýshiler oblystyń ishki naryǵyndaǵy birqatar áleýmettik mańyzy bar azyq-túlik taýarlarynyń baǵasyn negizsiz qymbattatpaý jónindegi ýaǵdalastyqqa qol jetkizildi.

Oblys ákiminiń orynbasary Meıirjan Myrzalıevtiń tóraǵalyǵymen ótken májiliske aýyl sharýashylyǵy taýaryn óndirýshiler, saýda úıleriniń ıeleri, naýbaıhana, bazarlardyń basshylary qatysty. Jıynda jyl basynan beri áleýmettik mańyzy bar azyq-túlik taýarlaryna qoıylǵan shekti baǵalar birqatar aýdan, qalalarda óskeni aıtyldy.

Aýyl sharýashylyǵy basqarmasynyń basshylyǵy jumyrtqa óndirýshi kásiporynnyń biri – Kentaý qalasyna qarasty «Iassy qus» JShS-i jyl basynda S1 sanatty taýyq jumyrtqasyn 1 danasyn 44 teńgeden bosatsa, búgingi tańda baǵasy 38 teńgege tómendegenin málimdedi. Budan bólek, jýyq arada qajetti 350 tonnadan astam kúnbaǵys maıy turaqtandyrý qoryna satyp alý jumystary júrgizilip jatqany aıtyldy. Sonymen qatar, aýdan, qala ákimdikteri men «Túrkistan» áleýmettik-kásipkerlik korporaııasy akıonerlik qoǵamynyń uıymdastyrýmen mereke jáne demalys kúnderi halyqqa tıimdi baǵada jármeńke ótkizilýde.

Budan bólek, Túrkistan qalasynyń aýmaǵynda ornalasqan 13 áleýmettik dúken men 5 iri sýpermarkette un, qant, kartop, sábiz, pııaz, kúrish, makaron, tuz arzandatylǵan baǵamen satylýda. 2021 jylǵa egiletin aýyl sharýashylyǵy daqyldarynyń boljamdyq egis qurylymyna sáıkes, kesh pisetin kartop – 7,1 myń ga, qyryqqabat – 2,9 myń ga, pııaz – 2,0 myń ga jáne sábiz – 1,5 myń ga egý josparlanyp otyr. Óndirilgen ónim kólemi óńirlik turaqtandyrý qoryn tolyqtyrý úshin satyp alynady.

Al, oblystyq básekelestikti qorǵaý jáne damytý departamentiniń málimdeýinshe, áleýmettik mańyzy bar azyq-túlik taýarlar baǵasyn negizsiz ósirgen birqatar taýar óndirýshilerge nusqamalar taratyldy. Nusqama oryndalmaǵan jaǵdaıda, qoldanystaǵy zań sheńberinde tergep-tekserý jumystary bastalatynyn baıandady.

Oblys ákiminiń orynbasary baǵany turaqtandyrý maqsatynda «Aınalmaly shema» aıasynda nesıelendirý jumystarynyń tym baıaý júrgizilip jatqanyn aıtty.

Sonymen qatar, taýarlyq ıntervenııa júrgizý, Turaqtandyrý qorynda azyq- túlik taýarlarynyń qoryn qalyptastyrý boıynsha atqarylyp jatqan jumystar jetkiliksiz ekenin eskertti.

Osyǵan oraı, «Aınalmaly shema» aıasynda saýda úıleri men taýar óndirýshilerge nesıe berý máselesin odan ári pysyqtaýdy, apta saıyn turaqty túrde aýyl sharýashylyǵy ónimderiniń jármeńkesin uıymdastyrýdy, azyq túlik taýarlarynyń baǵasyn negizsiz kótergen óndirýshi kásiporyndar men jetkizip berýshi kásipkerler boıynsha naqty jumystar atqarý týraly tıisti tapsyrmalar berdi.

Pikirler