Ózin ýaqytsha memleket basshysy dep jarııalap, azamattardy qarsylyq kórsetýge shaqyrǵan Aýǵanstan vıe -prezıdenti Amrýlla Salehtiń kúshteri Parvan aımaǵyn Talıbannan (Reseıde tyıym salynǵan uıym) qaıtaryp aldy. Bul týraly Kabýldegi esimin jasyryn ustaǵan sheneýnikter habarlady.
Qazirgi ýaqytta Salehtiń kúshteri Pandjsherde Talıbanmen soǵysyp jatyr. Derekkózderdiń habarlaýynsha marshal Dýstýmnyń bas saýǵalap ketken 10 myń jasaǵy da atalmysh aımaqqa attanyp, tálibterge qarsy soǵysty jalǵastyrýǵa kirisken.
Pandjsher mańynda Ahmad Shah Masýdtyń uly ákesiniń jolyn jalǵastyryp, Talıbanmen soǵysatynyn resmı túrde málimdegen bolatyn.
"Adyrna" ulttyq portaly
