Қарақалпақстан тұрғыны, 44 жастағы Азат Жұманиязов Қазақстанға жұмыс істеуге кеткен, бірақ қаңтар оқиғасынан кейін туыстары онымен байланыса алмай жатыр, деп хабарлайды “Адырна” ұлттық порталы Алматы телеарнасына сілтеп.
«Азаттың әйелі күнде жылайды. Қоңырау шалып, іздеу нәтижелері туралы сұрайды. Оның бес жасар қызы да үнемі «әкем қайда?» деп сұрауда. Ол алаңға шыққан жоқ деп ойлаймын. Өйткені 5 қаңтарда оның телефоны Долан ауылының маңында өшіп қалған. Алматыда митинг өтті. Ол сонда бара ала ма? Менің ойымша, олай емес», – дейді жоғалған азаматтың ағасы Нұрлан Өтениязов.
Азаттың туыстары оның тірі екеніне үмітті. Себебі, ер адамның денесі ешбір мәйітханадан табылмады. Еріктілер ерікті іздеуге кіріскен, бірақ бұл нәтиже бермеген. Азат Жұманиязовтардың отбасы полицияға көмек сұрап жүгінген.
«Бұл дерек Алатау ауданының ІІБ-на тіркелді. Іздестіру ісі басталды, арнайы тергеу-жедел тобы құрылды, оның әрекеті із-түзсіз жоғалған адамды іздестіру және оның тұрған жерін анықтауға бағытталған», - деді Алматы қалалық ІІД ресми өкілі Салтанат Әзірбек.
Полицейлер Жұманиязовтың қайда екені туралы ақпарат білетін кез келген адамды 102 нөміріне хабарласуға шақырды.
“Адырна” ұлттық порталы
