Қазақстандық дипломаттар Томирис Байсафаның қайтыс болуына қатысты істің тергелу барысын жіті қадағалауда. Қазақстанның Ресейдегі елшісі Иманғали Тасмағамбетов бұл іске тікелей араласты.
Бұл туралы «Қазақ үні» порталы КТК-ға сілтеме жасап хабарлайды.
Қазіргі уақытта іс аса маңызды санатқа жатқызылған.
Мамырдың 18 күні Тасмағамбетов Ресейдің Тергеу комитетінің бірінші басшыларымен жеке кездесіп, бұл істің ашық әрі әділ жүруін талап етті.
Қазақстан елшілігінің баспасөз қызметі таратқан мәліметке сүйенсек, ресейлік тарап та істің әділ өтуіне толықтай құлық танытуда.
Естеңізге сала кетсек, Томирис Мәскеудегі Халықаралық қатынастар институтының төртінші қабатындағы терезесінен құлап кетіп, қаза тапқан еді.
«Қазақ үні» порталы
