Украина әскерлері ұрыс кезінде әскери техникасының 50 пайызынан айырылды. Бұл туралы Қорғаныс министрінің орынбасары Владимир Карпенко айтты, деп хабарлайды «Адырна» тілшісі.
«Белсенді шайқастар нәтижесінде шамамен 30-40%, ал кейде 50%-ғадейін техника шығыны бар. 1300-ге жуық жаяу әскердің жауынгерлік машинасы, 400 танк, 700 артиллериялық жүйе жоғалды»,– деді ол.Карпенконың айтуынша, Батыс елдерінен жеткізілетін қару-жарақ Украина қажеттілігінің 15 пайызын жабады.
«Біз көптеген қару-жарақ жүйесін алдық, бірақ, өкінішке қарай, мұндай жаппай жұмсалған ресурспен олар біздің қажеттіліктеріміздің 10-15 пайызын ғана жабады. Украинаға артиллериялық оқ-дәрілер, жаяу әскерлердің жауынгерлік машиналары, жауынгерлік машиналар, танктер қажет»,– деп сөзін толықтырды вице-министр.
