Екібастұзда 14 жастағы оқушы қыз зорлық-зомбылықтың құрбаны болды, деп хабарлайды “Адырна” ұлттық порталы.
Белгісіз ер адамның зорлық-зомбылық жасағаны туралы қыздың анасы полицияға хабарлаған.
Нәтижесінде Екібастұз ауылдық округінің 28 жастағы тұрғыны ұсталып, уақытша ұстау изоляторына қамалды.
Қазіргі уақытта ҚР Қылмыстық кодексінің 121-бабының 3-1-бөлігінің 1-тармағы – кәмелетке толмағандарға қатысты сексуалдық сипаттағы зорлық-зомбылық әрекеттері бойынша сотқа дейінгі тергеу амалдары жүргізілуде.
Ер адам 15 жылдан 17 жылға дейін бас бостандығынан айырылуы мүмкін.
”Адырна” ұлттық порталы