رەسەي قازاقستاننىڭ ورىس ءتىلىن دامىتۋ جونىندەگى حالىقارالىق ۇيىم قۇرۋ تۋرالى ۇسىنىسىن قولدايدى جانە ونىڭ تەز ارادا جۇزەگە اسۋىنا ىقپال ەتەدى. بۇل تۋرالى جۇما كۇنى تمد ەلدەرى باسشىلارىنىڭ بەيرەسمي كەزدەسۋى بارىسىندا رەسەي پرەزيدەنتى ۆلاديمير پۋتين مالىمدەدى، دەپ حابارلايدى «ادىرنا» ءتىلشىسى.
«قاسىم-جومارت كەمەلۇلىنىڭ ورىس ءتىلىن قولداۋ جانە ناسيحاتتاۋ جونىندەگى حالىقارالىق ۇيىم قۇرۋ تۋرالى باستاما كوتەرگەنىن اتاپ وتكىم كەلەدى. بۇل ءۇشىن توقاەۆقا العىس ايتامىن. مەنىڭ ويىمشا، بۇل بارلىعى ءۇشىن ماڭىزدى»،—دەدى ول.
