Мемлекет басшысының өкімімен Өмірзақ Шөкеев Түркістан облысының әкімі болып тағайындалды. Сөйтіп, бұған дейінгі әкім Жансейіт Түймебаевтың орнына жайғасты. Жансейіт Хансейітұлы бұл лауазымды 2016 жылдың қазанынан бері атқарып келген еді.
Өмірзақ Естайұлы Шөкеев 1964 жылдың 12 желтоқсанында Түркістан облысында туған. Экономика ғылымдарының кандидаты. Мәскеу экономикалық-статистикалық институтын бітірген.
Жаңа әкім президент әкімшілігі мен министрлер кабинеті қаржы бөлімі меңгерушісінің орынбасарынан бастап, Үкімет басшысының орынбасарына дейінгі түрлі лауазымды қызметтерді атқарған.
"Адырна" ұлттық порталы
