Қазақстандық теннисші Елена Рыбакина әлемнің үздік теннисшілері рейтингінде алтыншы орынға көтерілді, - деп хабарлайды "Адырна" порталы Vesti.kz сайтына сілтеме жасап.
Әйелдер теннис қауымдастығы (WTA) жеке және жұптық сында әлемнің үздік теннисшілерінің рейтингін жаңартты. Қазақстанның бірінші ракеткасы Елена Рыбакина жеке рекорд орнатты - әлемдік рейтингте 6-орында тұр. Бұған дейін оның ең жақсы жетістігі жетінші орын болатын.
Бірінші орында поляк теннисшісі Ига Швентек, екінші орында белорусиялық Арина Соболенко, үшінші орында америкалық Джессика Пегула тұр.
Қазақстандық Юлия Путинцева рейтингтің 51-ші қатарын сақтап қалды.
Жұптық сайыста Елена Рыбакина 95-орыннан 82-ші орынға көтерілсе, қазақстандық Анна Данилина 27-ден 26-ға көтерілді.
"Адырна" ұлттық порталы
