Алматы облысында "Tengri Ultra 2023" марафонының қатысушысы қайтыс болды. Спортшы Руслан Жолдыбаевтың мәреге бірнеше метр қалғанда жүрек талмасы ұстады, деп хабарлайды "Адырна" порталы Tengri Sport-қа сілтеп.
Марафоншының өліміне Алматы облысының әкімдігі түсініктеме берді.
"Tengri ultra 2023 марафонында 15 шақырымдық қашықтықты бағындырған 1982 жылы туған ер адам мәре доғасына бірнеше метр қалғанда талып қалды. Кезекші жедел жәрдем бригадасы дереу жансақтау жұмыстарын бастады. Бірақ, өкінішке қарай, ер адам қайтыс болды. Желіде айтылып жатқан жедел жәрдем 10 минуттан кейін келді деген ақпарат шындыққа жанаспайды, өйткені спорттық шара кезінде жедел жәрдем көлігінің тәулік бойы кезекшілігі қамтамасыз етілді», - деп хабарлады әкімдіктің баспасөз қызметі.
Марқұмның туыстары мен жақындарына қайғыра, көңіл айтамыз!
"Адырна" ұлттық порталы
