Ресей президенті Владимир Путин күзде Қазақстанға сапармен келеді. Бұл туралы Мемлекет басшысы Қасым-Жомарт Тоқаев айтты, деп хабарлайды «Адырна» тілшісі.
24 маусым күні телефон арқылы сөйлесу барысында екі ел басшысының алдағы сапары талқыланды.
«Біз Ресей президентiнiң биылғы күзде Қазақстанға сапарын да талқыладық. Осы мүмкіндікті пайдаланып, еліміздің Ресеймен ұзақ мерзімді және тұрақты стратегиялық серіктестік екенін айтқым келеді. Көпжақты ынтымақтастықты одан әрі нығайтуға қатысты ұстанымды құптаймын»,—деді Тоқаев.
