Бас қалада өзін фискалдық органдардың қызметкерімін деп таныстырған азамат ұсталды, деп хабарлайды “Адырна” тілшісі.
Азамат кәсіпкерлердің бірінен “қамқорлық” үшін 300 мың теңге талап етіп, пара алған. Мұны желідегі хат алмасулар мен аудиожазбалар растап отыр. Соманың екінші жартысын алу кезінде жалған қызметкерді Қаржы мониторингі агенттігінің ішкі қауіпсіздік қызметі ұстады.
«Жүргізіліп жатқан тергеу материалдарына сәйкес, аталған азамат кәсіпкерден моральдық қысым көрсетіп, «қорғау» үшін 300 000 теңге көлемінде ақша талап еткен, бұл мессенджердегі хат-хабарлар мен аудиожазбалармен расталған», - деп хабарлайды Қаржы мониторинг агенттігі.
Қазір тергеу жүріп жатыр.
