Қарағанды облысында жол апатынан 3 адам қайтыс болды, деп хабарлайды “Адырна” тілшісі ҚазАқпаратқа сілтеме жасап.
«Алматы – Екатеринбург» тас жолында 15 тамыз күні жол-көлік оқиғасы болды. Қайғылы жағдай Қарағанды облысы Шет ауданы Ақсу-Аюлы кентінен 50 шақырым жерде орын алған.
Қарағанды облысы Полиция департаментінің хабарлауынша, жол апатынан 41 жастағы «Фольксваген Пассат» автокөлігінің жүргізушісі және оның екі жолаушысы оқиға орынында көз жұмған. Ал «Шевроле Кобальт» автокөлігінің жүргізушісі және екі көліктің жеті жолаушысы ауруханаға жеткізілді.
Қазір тергеп-тексеру жұмыстары жүріп жатыр.
Ішкі істер министрлігінің мәліметінше, соңғы 5 жыл 74 мыңнан астам жол-көлік апаты болған. Салдарынан 11 193 адам қаза тапты. Оның ішінде 8212 ер адам, 2974 әйел, 1093 бала мерт болды.
